في موقٍف بان التوتر علينا
لحظه تلين إبها القلوب القويات
قالت شلونك قلت ربك عوينا
الحمد لله عاضني عقب لوعات
الله رزقني في هنوفٍ تبينا
احيت خفوقٍ كان بعداد الأموات
هي نور عيني فرحتي والضنينا
ألقابها عن ظيقة الصدر سجات
قالت سليت وقلت عقبك سلينا
لكن عقب مالاعنا الحب مرات
قالت شلون وقلت لاتسألينا
مافات فات ولا تفيد الحسوفات
قالت تكلم قلت مهما حكينا
الدمع ماينفع عزيزٍاليامات
قالت نسيت وقلت لامانسينا
"لكن قنعنا والقناعه من الذات"
"قالت أروح" وقلت وش في يدينا
روحي عسى في كل خطوه سلامات
بصبر على فرقاك مهما حيينا
ولا تشوه صادق الحب زلات
قالت على ماكنت دنيا ودينا
تكرم ونكرم عن دروبٍ رديات
قلت اسمحيلي قبل لاترحلينا
يم الديار اللي علينا بعيدات
تراي ذخرٍ لاحدتك السنينا
اجيك مهما واجهتني صعوبات
من اليوم اخوك وغيرها ما بغينا
كلي فداك ان صار بالوقت ميلات
وتبسمت بإعجاب مدري حنينا
وتهشمت قدام عيني بعبرات
قالت فمان الله قلت انتهينا
واقفت تكلم نفسها بس بسكات
وقفت تقديرٍ لها ثم مشينا
دربٍ مشوه اهل القلوب العفيفات
امشي واردد ليتنا ماالتقينا
وش جابها عقب السنين الطويلات
التميز
الإهداءات
][ ياليتنا عقب البطى مالتقينا ][ قصيدة قوية عن الفراق
