1. يا نجم أنا سميتكم باســم جدي=وأنا اشهد إنك يا الأسامي دلائل
2. سميتكــم باسـمه وشفي وودي=إنك تظلي مثل شيــخ القبـائل
3. فـــوج يعشيهم وفــــوج يغدي=ويا كم ضوى بالصحن كل حـائل
4. إن قــام في لازم عن الكل سـدي=ولا حط من دون المواجب مهائل
5. وإن عمست الأريـاء يوفي ويقدي=وياكم عدل عُــود بلحيــل مائل
6. ليا تناصــن الحِـــكم قـال هدي=تغدي على بعض العوارف دبائل
7. أنا رجاوي فيك من بعد عــودي=والغصـــن منباته جــذوع أصائل
8. كم واحــد ظــلا بشمس وبــرد=أدفــأه من بعد العنــاء والغلائل
9. ويا كـم صعب فوقـه الحمل شد=وأمسى أديب للمحاميل شــائل
10. اليا نصـاه العلم ما عنه صـدي=ولا تسَــمع هـــرج قيــل وقـائل
11. وإن جنبت خلى المجنب يعدي=ما هو بتابــع مقفيات المخـــائل
12. هذاك جدي وأنت اليوم ولدي=الساس واحد يا عريب الحمــائل
13. أنا رباني لين عـودي اسـتشـد=واليوم أنــا برباك عن كل عـائل
14. ما والله اذخر عنك طيب وجهد=وليـا عرفت العلـم رد الجمــائل
15. خلك على درب الأجاويد بعدي=أهــل العلــوم الطيبة والفعائل
16. خلك حكيـــم لا تصـــعر لخـد=وارقى علو المجد لن كنت طـائل
17. المجد يا رجـــال صـبر وتحــدي=والمرجلة ما هي ظروف ورسائل
التميز
الإهداءات
سميتكم باســم جدي..؟؟
