سرى بي الهاجس اللي من سنين يغزي=صوب الديار البعيدة بالخيال القريب
سجيت والليل يا طوله ولا ينحزي=والفكر فيه اضطرابة خايف إنه يخيب
رفيقي الطيف واحلام الهوى تعجزي=عجزت تحقق مرادي بالزمان العجيب
طول المسافات خنجر بالحشا تحززي=تقطع شرايين قلبٍ(ن)حار فيه الطبيب
جرح المودة بقلبي داخله ينغزي=ماللهوى من علاج إلا علاج الحبـيب
يا ليل طال إنتظاري ليش ما تنجزي=قرب لي اللي غرامه شب فيني لهيب
وليفي اللي وجوده بالحشا معجزي=هواه خلف الحنايا مثل ذاته رهيب
يا عل مضنون عيني دوم ما يرتزي=أهواه وأعشق سواليفه ولا هو غريب
أقضي لعمري على ذكرى غلا منوزي=للي هويته محبة ما هويته لعيب
ماني بندمان لأجله بالبشر يحرزي=محاسنه مالها مثيل رقة وطيـب
عشيري اللي بطيبة صعب ما ينجزي=بنظم قصيدي بطيبة لين قافي يشيب
ياهاجسي إخذ شعري لا نويت تغزي=صوب الديار البعيدة بالخيال القريب
التميز
الإهداءات
سرى بي الهاجس اللي من سنين يغزي !!!
رد: سرى بي الهاجس اللي من سنين يغزي !!!
