ريم الفلا !!!

يا هلا يا مرحبا يا شبيهٍ(ن)بالظبي =يا هني عيني بشوفتك يا ريم الفلا
ارحبي يا نبض الاشواق ياريم ارحبي=كل ما فيني يهلي هلا بك يا هلا
اقلطي على خفوقي تغلي وإطلبي=أمري واللي تبينه يجيك مكمـلا
امسحي اللي تبينه بقلبي واكتبي=كل ما فينك من احساس واشواق وحلا
واكتبيي فيني غرامك بلحمي وعصبي=يابعد كل الأحبه ويا كل الغلا
قربي مني يا روح المحبة قربي=عالجي قلبي من الحب قلبي مبتلا
حطي كفوفك علي الصدر حسي وش يبي=والوجع اكويه من جمر شفه مشعلا
ثم صبي فوق جرحي عسيل مذوبي=من مناحل خلف حمر الشفاه تجملا
وإسكبي زيت الوناسة على نار حطبي=ثم قول قوم دف الضلوع النحلا
منك يا كل الأماني علاجي وسببي=وإن بذلتي للدوا كل همي ينجلا
هكذا جيتك من أقصاي يابعد عربي=مستجير بجنتك يا بعد كل الملا
مدي كفوفك خذيني وعزك بشنبي=ياعبير الشوق قلبي بحبك إمتلا
أنتي اللي راس مالي وأشوفك مكسبي=العمر من دون شوفك مثل نازل خلا
السنين تمر من عمر ذاتي تنهبي=والخفوق اللي تولع بحبك ما سلا
يا هلا يا مرحبا يا شبيهٍ(ن)بالظبي=يا هني عيني بشوفتك يا ريم الفلا

طاب لي ان اصافح هذا الابداع


صح لساااااااااااااانك

الله الله


صح لساااااااااااااااانك

صح لسانك واعتلا شانك



تقبل التحية

صح لسانك وسلم بنانك استاذ الشعر الرارائع

يا سلام عليك

ابدااااااااع صح لسااااااااااانك

صح لسانك واحساسك استاذنا المبدع

صح لساااااااااانك شاعرنا مبدع ربي يسعدك

قصيدة تستحق الاشادة صح لساااااااااانك

صح لسانك ابداع يتجدد من شاعر متمكن