بمناسبة تعيين صاحب السمو الملكي الأمير
سلمان بن عبد العزيز وليا للعهد
خلفا لصاحب السمو الأمير نايف بن عبدالعزيز رحمه الله
قلت هذه الأبيات المتواضعة
تهنئية لسموه وللشعب السعودي الكريم
يافكر منهو يستحق التهاني=سلمان وإلا الشعب بقدوم سلمان
قال الفكر والله لهذا هداني=سلمان ثم الشعب من غير نقصان
سلمان حصنٍ(ن)من حصون الزماني=درع الوطن من دون غاوي وطمعان
عضد المليك بكل وقت ومكاني=الأمر ما يحتاج شاهد وبرهان
خير الخلف لأحسن سلف بالتفاني=أخوان بالأفعال والمنسب أخوان
شيخٍ(ن)على الطالات كاسب رهاني=ابن الزعيم اللي موحد للأوطان
والشعب والحاكم سواة المباني=كلٍ(ن)يقوم بدور ويعز بنيان
الدين واحد والأخوة كياني=ما يقدر يغيره من كاينٍ(ن)كان
العهد باقي والعدالة عناني=وآل السعود لمنهج الحق فرسان
بنهج الكتاب اللي جلي البياني=وسنة محمد والتفاسير لقران
المرجع الأول نصوص القرآني=ولا قفلوا من دون مظلوم بيبان
من عهد أخو نوره عساه لجناني=ليا عهد أبو متعب مسيرات بإيمان
الأمن راسخ والتلاحم حصاني=والعدل والإنصاف لحصاننا عنان
الله يديم الخير ويزيد ثاني=والشكر مدعاةٍ(ن)لمرضاة رحمن
ياشعر قدم بالنيابة تهاني=مني لولي العهد مبروك سلمان
التميز
الإهداءات
سلمان حصنٍ من حصون الزماني !!!
رد: سلمان حصنٍ من حصون الزماني !!!
