السلام عليكم ورحمة الله وبركاته
اطرح بين ايديكم هذه القصيده واتمنى بان تنال استحسانكم
كل(ن) حسب فكره ومنطوقه وشوف عيونه = يحصد من الدنيا ثمار تزين الاغصاني
احد(ن) بنات الفكر عنده تنتج المزيونه = مثل الذهب مفتاح ضيق النفس بالازماني
غالي ولا يصدا ثمين ولا تغير لونه = كنز(ن) من كنوز الحياه اللي لها اثماني
واحد(ن) بنات الفكر من سيف الدهر مطعونه = تشكي من جور الطعون وقائد الاحزاني
واحد(ن) لديه افكار لكن للاسف مدفونه = مدفونة(ن) من وقت قاسي حاكمه شيطاني
احد(ن) منطوقه عسل يجذبك صوت لحونه = تنصت له الاذان تفرح منَه الابداني
واحد(ن) منطوقه بصل خلف الظهر يرمونه = ما يشبع الجايع لو إنه ينفع الشرياني
حذراك يالخفاق من منطوق يبس اغصونه = العز سيفك يافوادي واللسان حصاني
احد(ن) عيونه تقتني برق الحيا ومزونه = اللي ليا هلت وسالت تروي الظمياني
واحد(ن) عيونه ساهره من روحه المغبونه = ما غمضت لو هي دقيقه من سهوم الجاني
ياعين روفي بالفواد اللي نظرك ايصونه = حذراك من جور الجفا وهاطل الحرماني
كل(ن) حسب فكره ومنطوقه وشوف عيونه = يحصد من الدنيا ثمار تزين الاغصاني