يسعد مساكم وصباحكم وكل اوقاتكم
ما اطيل عليكم يطيب لي اقدم لكم هالابيات المتواضعة علها تروق لكم
ياقصيدي بعد ما راق لك جوي=المشاعر نازفة بالروح جوا
صوتها بعماق خفاقي يدوي=والصدا جاوبه شعري حين دوا
هزني ياشوق بعروق متلوي=احضن أطياف الغلا ياشوق قوا
علني أرتاح من نارٍ(ن)تكوي=للمعالق والبعد للروح كوا
ياحبيبي ليه حبك صار سوي=زمهريرٍ(ن)فوقه احلامي تشوا
كل يوم أضعف وهو حيل متقوي=والزمن والبعد زادت فيه سوا
لا ذكرت لنوكم خالف لنوي=والعواصف زاحته ماعاد نوا
يضيع حلمٍ(ن)كنت له قبل متنوي=وأنت مدري في زمانك وش تنوا
آه من حظٍ(ن)غدا دوم متهوي=كيف تقدر تحمله بالروح حوا
شابت أحلامي وأنا بالعمر توي=من سماي نجومها صارت تهوا
من غرامي مت والشوق متروي=من مواجيعي شرب لينه تروا
ما هقيت إن الهوى صاير عدوي=لين جربت المواجع كيف سوا
يا قصيدي بعد ما عكرت جوي=المشاعر نازفة بالروح جوا