أسعد الله أوقاتكم
حبيت أذكر أهل القلوب الخضر
اللهم إني بريء من اثمها
تنام العيون وعين من حب سهرانه=يسامر نجوم الليل مايعرف الراحه
يحرك ظلام الليل للمغرم أشجانه=هموم على ما قيل للصبر ذباحه
يصارع هموم الليل ماغمض أعيانه=من أسبابها متعب لكفه ومسباحه
يناجي طيوف اللي تعنا على شانه=تجدد مواجيع الهوى تنكش جراحه
غرامٍ(ن)تمكن بالحشا صعب نسيانه=غرامٍ(ن)له أحلام المواليف نواحه
تنوح المشاعر شوق بالبعد وجعانه=وفكر المولع للهواجس غدا ساحه
كذا حالتي ياليل والنفس ولهانه=على من رمى حبه على قلبي وشاحه
ذبحني غرامه والقدر مبعد أوطانه=وطيفه بفكري كل ما يستكن لاحه
على ربي المشكى وراجيه غفرانه=يجمع لشملٍ(ن)شتت الوجد لأفراحه
بلاني بحبه ياسقا ربي أزمانه=أشيله سنين طوال والوقت مازاحه