كيبوردية سريعة لما لاحظته من خروج البعض عن الحد الأدنى من الأدب
أثناء تعليقاتهم ببعض المواضيع
وعلى قول المثل: خلف الشفا نقادة
وإذا شاء الله سوف أكمل القصيدة لاحقا
والمعذرة لو فيها قصور
العقل نعمة والرجولة مواقيف=ومن ضيع الثنتين ماهو برجال
الرجل لا من جاك راعي تصانيف=سواة من يغرف من الماء بغربال
يقرع كما ما يقرعن المغاريف=كثر الحكي ماهو دليلٍ(ن)للأفعال
صدر الرجل صندوق لنفك بيشيف=كل الذي بالصدر ماعاد ينشال
وزلة قدم أهون من لسان ياحيف=وأشد منها زلة رجال عقال
كثر الحكي والمدح بالكذب تزييف=ودعوى بلا برهان ماتطرح عقال
الهرج بعضه كيف وأطيب من الكيف=يبعد صلف عاقل يمييز للأمثال
واللي يعاين بالهروج الملاقيف=تجبره فوق علوم ماهي بتنقال
وإن ضاعت الشيمة تضيع المعاريف=ومن ضيع لعقله فما يعدل ريال
مدحِ(ن)بلا برهان ماهو بتشريف=يحسب مذمة ياكريمن الإسبال