العشية ساقني المقسوم ومريت شارع بالزين مشهور
شارع المنصور
وعينك ما تشوف إلا النور
وأول ماخطر ببالي سعيد وعثمان ورباح
قلت لو شافوا ما شفت ماهو بعيد تقوم بينهم حرب تشبه حرب داحس والغبراء
بسبب ذالك الزين وبالذات سعيد لو شافه اعتقد ليبيع كل النياق ويحطها له بهدوم
الحق يقال شفت من المطاوعة 2 وراه يركضون مدري عاد هي ركضة لله وإلا لعبدالله
عاد استروا ما واجهتم والله يخارجني منكم
ياسعيد ليتك شفت الأسمر حليله=اللون كحلي والمقاسات مضبوط
مع شارع المنصور راع القذيله=ماكنه إلا لاعبٍ(ن)فأول الشوط
الطول كنه ميذنه بالعسيله=عنق النعامة فوق شبرين ممغوط
الريح يشبه بيت عميا خبيله=من كل ريح وريح ممزوج مخلوط
والصدر فوقه شيء مثل الفنيله=من حدها وأسفل من الجنز مضغوط
لو كان تأخذ معه بيته وقيله=تكشف على الماطور لا يكون مخروط
وأنته خبير بشد هذا الكحيله=لا يكون شداد البريكات مفروط
لو شافها عثمان روح دبيله=ولو شافها رباح ماتربح النوط
في ذمتي كل الثنين تغزيله=كلٍ(ن)يقول أنا سنافي وشمحوط
مايعرفون سعيد سابق جميله=ماهو حسودي مير معروف بشروط
العلم سري والفتى من قبيله=لاحظت خاص وتحتها عدة خطوط