أسعدكم الله بكل زمان ومكان
الليلة التغريدة غير علها تروق لكم
اليكم الأبيات تراها كيبوردية سريعة
كفاية يا زمن ما غرنا من زايف الأحلام=تعبنا من تصاريح الخيالات ومنابرها
طوينا صفحة الماضي بعد ما جفت الأقلام=رمينا في لهيب النار باقي من محابرها
بدينا وابتدينا بالطريق المستقيم العام=لعنا شلة التفريق حاضرها وغابرها
شطبنا من سجلات العمر متعوسة الأيام=دفنا ما تعبنا من مواجع في مقابرها
رفعنا للسواعد حاملة خفَّاقة الأعلام=خواطرنا بعد جور الكسور العزم جابرها
بحكم الشرع والتوحيد صرنا علية الأقوام=مبادي عزنا يا وقت حافظها وخابرها
كتاب الله ونهج اللي بُعث للمرسلين ختام=محجة واضحة وأجيالنا تتبع لأكابرها
درسناها فهمناها ولا به دين غير إسلام=وقومٍ(ن)ما تعز لديننا نصفع لأصابرها
كبار بديننا وأخلاقنا ما نتبع الأقزام=نعيش بعز والدنيا ممر الكل عابرها
على وجه الزمان إسلامنا للعالمين وسام=وناسٍ(ن)ماتدين بديننا مقطوع دابرها
كتاب الله رضينا به يطبق شرعه الحكام=تطبق منهجة للناس مجزعها وصابرها
كفاية يا زمن ما غرنا من زايف الأحلام=تعبنا من تصاريح الخيالات ومنابرها