أسعدكم الله بكل زمان ومكان
يا ما حلا القصيد أخر الليل
ليا هود الليل عليك بالمواويل
عاتبيني يا غرامي عاتبيني=حسسيني يا غلاي إنك تغاري
عاتبيني لين حتى تعذريني=وإرفقي بي لن شعرتي بإنهياري
يا حلاة عتابكِ(ي)يانور عيني=ويا حلاة رضاك لو فيه إنتحاري
مير تكفي يالغلا لا تذبحيني=بالشكوك وبالظنون وبالهذاري
لا تخلي حاجزٍ(ن)بينك وبيني=ولا تظني يوم بغير مساري
دام حبك منكتب على جبيني=ذا خيار لخالقك وافق خياري
الهوى اللي منزرع فينك وفيني=مستحيل يزول في ليل ونهاري
حبنا موجود من عدة سنيني=تشتعل بقلوبنا نارك وناري
بالخفوق وفي عروقي تسكنيني=حب ما ظن حسبه غارك وغاري
كم شكيت من الهوى قلت:ارحميني=وكم بكيتي من بُعد دارك وداري
يابعد روحي ياروحي يا ضنيني=ياقوانين الهوى وأنتي شعاري
حبك بروحي رسخ سواة ديني=ما تغير في مساريح ومساري
بكل فكرة لو بعدت تشاركيني=وأدري بقلبك عن الأشواق داري
بالسؤال وبالإجابة بادريني=لا تزيدي ضعف قلبي وإنكساري
إن غلطت بدون مدري سامحيني=والك مني ياحلا حلو إعتذاري
دامني للحب مطواع اليديني=كل ما هو منك يجذب لإنبهاري
يا غرام الروح يالحب المكيني=في عتابك يالغلا رد إعتباري
عاتبيني يا غرامي عاتبيني=حسسيني يا غلاي إنك تغاري