|
الشاعر المسعودي
واصدري الي كن جوفه معاميل = دكت ضلوعي واشعلت في الحنايا
فاحت دلال العشق بالبن والهيل = فاحت على صدري وبحت الخفايا
اقرب حبيبي واملى كل الفناجيل = من ريقك الحالي ترى به دوايا
نبي العطاء وافي ولاتنقص الكيل = يامن ملكت الروح بين البرايا
اسمك ورسمك والعيون المكاحيل = تسبي قلوب العاشقين الظمايا
يابهجة الخاطر ويانجمة الليل = يغار من حسنك بنات ومرايا
ياقلب انا ذقت العنا والغرابيل = بعد عيوني شافت احلى الصبايا
ههههههه
رد سعيد العبد
كيبورديه
مدحك لها ماغير نزوه وتظليل = امدح علي كيفك وزيد النوايا
اللي يحب أبجد مايرقد الليل = ولا يزر الثوب قدم المرايا
ياشاعر الهذلان كثّرت بالحيل = حطيت مكه جنب سبت العلايا
حبن بدون اعروق ماله محاصيل= يعني بدون احراج لبّق ورايا
الحب له معني وقيمه وتبجيل = مايعرفونه ميّتين الخلايا
شهرين وانت اتجر حلو المواويل = تبا العوض من لابسات الشرايا
حنا معانا اعقول واعيون دربيل = انشوف ماتخفي اصدور البرايا
والقهوه اللي ماتقند من الهيل = فنجالها نرميه بين الزوايا
ريح قبل تزعل عليك الرياجيل = اهل النقا مايقبلون الرزايا
حسبي الله على بليسك يا سعيد
هذا ردي المتواضع عليك
المسعودي جار ديرة وعاني وأخذتني حمية الجاهلية بقف بصفه لو بوجه سعيد
ههههههههههههههههههههههههههه
ياسعيد لو خشيت بين التفاصيل=تلقا الهوى ياسعيد بلوى البلايا
الحب هز ملوك روسٍ حلاحيل=وياكم طوع من عقيد لسرايا
الحب ما ينكره غير الطرابيل=اللي نهار الغزو تغدي همايا
عنتر عشق عبله كما شاعر هذيل=غزى بلاد الفرس لأجل الهدايا
شاعر هذيل أبدع براع الخلاخيل=نعرف هذيل ليا تنادوا حمايا
لطامة العايل ونحارة الحيل=وياما نهار الغزو كسبوا سبايا
ماهم بذلانٍ(ن)ولاهم مهابيل=أهل الوجيه الصبح تندا ندايا
أهل السوف الجرد عسافة الخيل=في ظلهم عاشن ضعوف الولايا
لو يلزمون سعيد يعطونه شعيل=هذلان لا مدت جزيلة عطايا
ما يحسبون حساب للقال والقيل=ولا حرجوا بسوق النخس والخصايا
أيامهم ياسعيد دايم مقابيل=ما يتبعون ملقيات القفايا
وليا تغنوا بالشعر والتماثيل=جابوا من الأمثال حلو السجايا
ماهمهم بالوقت ناسٍ(ن)مغاليل=اللي يحبون الحكي والزرايا
الليلة الطاروق ياليل ياليل=سعيد بعد اليوم ماهو معايا
|