أسعدكم الله
الأبيات بدون مقدمات
عساك بخير ياللي ما نسيناها بعسر ولين=سنين طوال مابه ليلةٍ(ن)ما مرني طيفك
بعد غبتي ليا طوال جئتي مرحبا وهلين=انا كلي اذانٍ(ن)صاغية بسمع سواليفك
ظروف الوقت حالت بيننا مرت ثلاث سنين=وانا ما جئت دار الحي يا حيفي ويا حيفك
انا ادري عارفة بالوضع كله بالعذر تدرين=ظروفٍ(ن)قاسية ماهي على كيفي ولا كيفك
ياليت الأمر بيديه وأخلي كل شيءٍ(ن)زين=على شأن الغلا اللي بيننا وأجزى معاريفك
أنا وشلون بنسى وقفتك معي يانور العين=ثلاث سنين أفكر كيف بجزاك بمواقيفك
جميع اللي تسوينه على شأني بحسه دين=لة إنك تحسبينه ود ما يفرق بتصنيفك
عسى الله يحفظك يانور عيني كل وقت وحين=أنا مالي غناةٍ(ن)عنك كيفي بالعمر كيفك
مضى ماهو مضى من عمرنا واللي بقا بعدين=تعرفينه من أوراق الزمن داخل مظاريفك
عساك بخير ياللي ما نسيناها بعسر ولين=سنين طوال مابه ليلةٍ(ن)ما مرني طيفك