أسعدكم الله
الأبيات
ما عاد به ياسيد البيض راحه=بعد غيابك كل الأوضاع شانت
البال ضايق ما يعرف السماحه=اللي قبل فرقاك بالبال كانت
غيبتك سوت بالمشاعر مناحه=عان الشواهد فوق الأشعار بانت
بالقلب جرحٍ(ن)ما تفيده جراحه=والروح من عقب الغلا بي هانت
خسايري تكبر ولا من رباحه=والقلب ينزف والهواجيس عانت
الصمت خيم عقب حلو الفصاحه=على حروفي بالنظم واستكانت
شفت الليالي صار فيها وقاحه=ما كنها في ماضي العمر زانت
عبوس ما فيها رسوم الملاحه=بعد الصفا والأنس للعهد خانت
تمشي بعكس اللي نبي بالفداحه=تقسا عليّه كل ما قلت:هانت
تغدر بنا وشعارها بالصراحه=قسيت علينا عقب ما كان لانت
حلو الأماني ما بقا له مساحه=بصدورنا من عقب الأيام دانت
رواحل الفرقا لها الوقت ساحه=على المشاعر ياأريش العين مانت
ما عاد به ياسيد البيض راحه=بعد غيابك كل الأوضاع شانت