الصاحب اللي للهوى يشبه الضي=غلاه مالك نابض الروح حصري
حبه لروحي يشبه الزاد والري=لو شح عني طحت للموت بدري
أغليه وأغلي ديرته وأنكوي كي=من بعد داره قلل البعد صبري
يا أرق من نسناس وأعذب من المي=ما ودي إنك عن خفا الروح تدري
أكتم بقلبي شيء وأبين لشي=من شأن ما تجرحك ضيقة بصدري
جرحٍ(ن)بقلبي ينزف شويه شوي=ماله علاج ولا تلاوات تبري
أفنيت عمري يا هوى الروح بالغي=ما بين ليت وليت ضيعت عمري
الوضع فيني يا هوى خافقي سي=حل بفؤادي عسر من عقب يسري
همٍ(ن)طواني يا بعد ناظري طي=الحظ بدل يسر الأيام عسري
حلم العمر بالشمس ما حوله الفي=كفنه وقتي بعد غسله بسدري
لكن على ربي شكاتي ومابي=يلطف بحالي والمقادير تجري
ماني مغير شيء من دبرة الحي=لكن بقدم لك عهودي وعذري
يا شبه خشف الريم يا ريم يا ظبيَ=نذرٍ(ن)عليَه غير عن كل نذري
الك العهد ما دمت يا صاحبي حي=إنك لتبقى عشق ما فيه غدري
والك العهد لو ينلوي خافقي لي=ما تنسي ما دامت الروح تذري
بالذاكرة تبقى ولا أنته بملغي=لين أندفن في بحر وإلا ببحري
يالصاحب اللي للهوى تشبه الضي=غلاك مالك نابض الروح حصري