ياطير الشوق يانبع الزلال مداوي المجروح

السلام عليكم ورحمة الله وبركاته

اطرح بين ايديكم هذه القصيده وأتمنى بأن تنأل اسنحسانكم

يـاطـيـر الشوق يـانبع الزلال مداوي المجروح = يـاحـبـل الـوصـل ياشمس الدفا ياللي تـزيـل هـمـوم
يـاطـيـر الـحـب طمني عن الغالي وليف الروح = وقـول إنـي تـحـت أمـره هو الحاكم وانـا الـمحكـوم
يـاطـيـر الـود سلم لي على مـن بـارقـه ايـلـوح = سـلام مــن الـفـواد اللي حـرب عـينـه لـذيـذ الـنـوم
مــن فـراق العيون الناعسه قلب الجسد مجروح = طوال الليل يـقـنـب والسـبـب مـن الـبـدر مـحـروم
قـمـر خمسة عشر غـايب من غيابه هلكه النوح = مــن عـيـونـه هـطـل هـمًـال لكن الـمـطـر مـسمـوم
ذبـل مـنـه الـجـفـن ودم شـريـان الفواد ايفـوح = وروحـه تصرخ بـصوت الخفوق الـمـغـرم المظلوم
كسا الخافق ظلام من الغياب وكيف بس ايـروح = مـتـى تـشـرق على الخافق شموس الغالي المحشوم
ياطير الـشوق مهما صار من روح الغلا مسموح = فـداه الـروح يـاطـيـر الحنين و نـاصـر الـمـهزوم
جفا وعناد من شان الغضي من خاطري ممسوح = مـعـزه واحـتـرام لـسـيـدي وايـضـا هجر مـعـدوم
أنـا بـاقـي عـلـى حـبـه ولو قـلـبـي غدى مشلوح = عـسـى أيـامـه سـعـاده والهنا فـوقـه مطر وغيـوم
يـاطيـر الشوق سلم لي على الغالي حبيب الروح = وقـول إنـي تـحـت أمـره هو الحاكم وانـا المحكوم

الذيب


صح لسانك


الله يعطيك الف عافية

صح لسان


وافية من وافي


لك التحية

صح لسانك



تقبل التحية

يا لديب كلماتك وروعتها تحيات
الخليل المغربي

صح لسانك
كلمات ولا اروع

صح لسانك مدد


رائعة لا هنت

لله درك على صياغة هذه الدره الثمينه تقبل تحياتي ومروري واعجابي

صح لسانك اخوي


وفيت وكفيت

الذيب


صح لسانك

وافية لا هنت