السلام عليكم ورحمة الله وبركاته
انا لله وانا اليه راجعون
أعلن الديوان الملكي وفاة صاحب السمو الملكي ولي العهد الأمير سلطان بن عبد العزيز
يرحمه الله
وبهذه المناسبة اليكم هذه الأبيات المتواضعة
لا ترقى الى مكانته بنفوس مواطني هذا البلد
ولكنها مشاركة المقل ومواسة ودعاء له
يا ولي العهد ياعذب السجايا=للجنان الخضر مع سابق نزلها
ما تروح النفس عن وقت المنايا=كل نفسٍ(ن)حدد الخالق لأجلها
انطوت صفختك يا غيث العطايا=يا عسى الجنة جزية في جزلها
إرتحل سلطان عن دنيا البلايا=وكل نفس يعرف الله وش عملها
إرتحل زبن الضعايف والولايا=ما عطا له يوم حاجة ثم سألها
إرتحل درع الوطن دون الغوايا=سيفه اللي لا نوى حاجة فعلها
ارتحل جزل الوهايب والهدايا=ما تراخا للمهمات إحتملها
إرتحل شيخٍ(ن)يهون للرزايا=لجنة الفردوس مشروبه عسلها
يرحم الله صاحب كفوف ندايا=وافي المدات لا غيره بخلها
يرحم الله قايد أفواج وسرايا=عالي الهمات بفعاله وصلها
يرحم الله متعب خيول ومطايا=خدمةٍ(ن)للدين والدولة وأهلها
يرحم الله شيخ لا قالوا حمايا=يضحك حجاجه ولا يبدي زعلها
يرحم الله شامخٍ(ن)مثل البنايا=كم نقض لحبال صعبات وفتلها
التميز
الإهداءات
إرتحل سلطان !!!
رد: إرتحل سلطان !!!
