أسعدكم الله
الأبيات كالعادة بدون مقدمات
الصاحب اللي دق لمقاطعي زير=عدة شهور الروح زيره رجفها
بعد البطا جاني يسوق المعاذير=أيمان من قبل الكلام يلحلفها
يحلف برب البيت ما ردني غير=ظروف صعبة يا غلاي تعرفها
قلت السموحة عل في رجعتك خير=لو كان ماني عارفٍ(ن)وشهدفها
بعض السوايا ما تحاوج لتبرير=ولا تنحرف لا من بغيت تحرفها
لكن على قول المثل خير ياطير=يا عل صعبات الظروف نعسفها
نرتاح من طول العنا والمشاوير=اللي كوتنا والعقول تخطفها
يمكن تطيب جروح فينا مغاوير=أرواحنا تهنا ويسكن لهفها
تهدأ هواجيسٍ(ن)ببالي طوابير=مواجعٍ(ن)طول الزمان نغرفها
لين أسقمتنا يازعيم الغنادير=وقلوبنا سم التباعد نشفها
ما فادنا زود الحذر والمحاذير=أيام ولت ما هنانا خلفها
وإن كان قصدك تنكش الجرح وتغير=ابشرك روحي زماني تلفها
ما باقي إلا ذكرياتٍ(ن)مزابير=ما ينعرف مسعولها من قرفها
أخاف أصحيها من النوم وتصير=عون الليال اللي ذبحني صلفها
حلو العمر ما عاد لي فيه تدبير=روح مع أيامٍ(ن)لعبّْي ترفها
أيام لو مرت على شاخ النير=ما عاد ياقف بعد وقفه وقفها
بعد البطا وشفايدتها تقارير=وأعذار من حلق الزمان تعلفها
يالصاحب اللي دق لمقاطعي زير=عدة شهور الروح زيرك رجفه
التميز
الإهداءات
جاني يسوق المعاذير !!!
رد: جاني يسوق المعاذير !!!
