فرحة وطن و مواطنه والمقيمين !!!!

بمناسبة اليوم الوطني لبلادنا الغالية

المملكة العربية السعودية


1435 هــ






النص المكتوب

بسم الله الرحمن والقاف تثمين=بمناسبة يوم الوطن يا هنايا
ما قلت ما قلته نفاقٍ(ن)وتلوين=قلته من إحساس الوفا بالحنايا
حب الوطن أغلى من الروح والعين=ماله ثمن مهما تكون العطايا
حبه سكن بالقلب جوف الشرايين=قصائدي لإحساس روحي مرايا
يوم الوطن عيدٍ(ن)لنا بين عيدين=عيد رمضان وعيد نحر الضحايا
في واحد الميزان عدل الموازين=نفرح ونهدي للشعوب التحايا
فرحة وطن ومواطنه والمقيمين=تبادلوا يوم الوطن للهدايا
بقيادة اللي حكم الشرع والدين=آل السعود مطوعين العصايا
حكام نجد ونعم هاك السلاطين=حماية الأوطان وقت النخايا
والشعب كله صف واحد بلا لين=خلف الزعيم أبو كفوفٍ(ن)ندايا
عبدالله المحبوب ريف الضعيفين=صقر العروبة في نهار الحمايا
شعب وحكومة للوطن الف نعمين=دون الوطن نهدي سهوم المنايا
للي يخون العهد واللي معادين=أمن الوطن خطٍ(ن)حمر يا غوايا
الأمن نعمة والشواهد براهين=في دارنا تأمن ضعاف الولايا
المملكة دار الكرم والكريمين=دار السلام ودار حسن النوايا
أنعم عليها ربنا بالحرمين=ميزة عظيمة غير باق المزايا
نعمة كبيرة قاهرة للحسودين=اللي يبونا للمطامع شوايا
لكن بعيدة عن خشوم الحقودين=ما ننقسم صفين نغدي همايا
الصف واحد ما يعود لصفين=شعب وحكومة صف ماله حلايا
ما هو بهذا اليوم من عدة سنين=ما نختلف مهما تكون الرزايا
دون الوطن ومقدراته عنيفين=الكل من دونه جنود بسرايا
دونه نقص رقاب وظهور ويدين=لأجله ومن شأنه نسوي سوايا
دون الوطن ما نقضي الدين بالدين=ناطى المخاطر فوق روس الحيايا
بسم الله الرحمن والقاف تثمين=بمناسبة يوم الوطن يا هنايا

صح لساااانك يابن هليل ويعطيك العاااااااافيه

احترااااااامي

صح لسااااااانك جزلة

الله يحفظ الوطن واهله

ويعزهم ولا يعز عليهم

تقبل الاحترام والتحية

صح لسانك وبيض الله وجهك


تقبل التحاياااااااااااااا

صح لسانك جزلة من جزل والوطن يستاهل اكثر


بيض الله وجهك

تقبل التحية

الله يعز الوطن

ويديم الامن والامان

الله الله


جزلة من جزل صح لسانك دائما مميز

تقبل التحية

صح لسانك


الوطن غالي ويستحق كل علم طيب

صح لسانك مليون ولا يكفون


الله يعز الوطن والشعب والحكومة

صح لسانك واعتلا شانك ابداااااااااااع


لله درك


تقبل التحية