روحي حيل مشتاقة !!!

يا منية الروح روحي حيل مشتاقه=مشتاقة لشوفتك والبعد حادينا
البعد والحظ سوت بالحشا فاقه=ليت المسافات تطويها أمانينا
دقات قلبي بحبك دوم دقاقه=وأخاف الأشواق تفنيها وتفنينـا
نبضات قلبي بلهف الشوق سباقه=الحب يا منيتي حرق محانينا
مشاعر الحب جوف القلب دفاقه=والبعد يشعل مشاعرنا ويدمينا
لكن مهما تكون ظروف عواقه=طول الزمن والمسافة ما تنسينا
حبك بقلبي زرعته داخل أعماقه=والحلم يا بعد عمري منك يروينا
أطياف ذاتك لنوم العين سراقه=اطرد سراب الأماني ما يسقينا
البعد والحظ والحرمان حلاقه=تحلق حلوم الزمان ولا تهنينا
نشرب كؤوس الأماني لو حراقه=عل وعسى مقبل الأيام يرضينا
وأما ارتوينا قبل لا تحصل فراقه=وإلا صبرنا غصب نبلع بلاوينا
أيامنا يا غناتي حيل صفاقه=إن شفتها مقفية ما مرتجي فينا
ما عاد بشكي جروح ولا أطلب شفاقه=لا صار مر الصبر وكاد منهينا
برفع كفوف الدعاء لله بشهاقه=القادر اللي بفضله دوم معطينا
يرحم قلوبٍ(ن)تضم الحب برفاقه=لكن تدبيرها خارج عن أيدينا
قادر يلم الشمل لأرواح منعاقه=سبحانه اللي يموتنا ويحيينا
يا منية الروح روحي حيل مشتاقه=مشتاقة لشوفتك والبعد حادينا

صح لسانك ولا هنت


ابدعت وامتعت


تقبل التحية

صح لسانك واعتلا شانك احسنت لا هنت

صح لساااااااااانك وسلم بنانك وبيانك

صح لسانك واعتلا شانك ايها الراقي


احترامي

صح لسانك واعتلا شانك


تقبل التحية

صح لسان مليون ولا يكفون



موفق

صح لسانك مليون ولا يسدون


تقبل اعجابي والتحية

الله الله


صح لساااااااااااااااااااانك

صح لسانك ولا هنت ابدعت


تقبل التحية