يقولون: البدو أخوان إلا بالنية
اذا نوى البدوي يرحل ما شاور
أبيات منسية بالارشيف
بأمان ربي يا قليل الوصايف =كيفت من جودك وجربت مدتك
خلاص انا من كيف قهوتك عايف =هزيت فنجال الغلا بعد صبتك
لبست نظاراتي ولا عدت شايف =ماني بشايف وين منزال حلتك
برحل ما دام حمول ظهري خفايف =قدام نبلش في مشاريه خوتك
البدو بالترحال ماهم ولايف=يكفي بدوي يرحل ليا شاف صدتك
وأنا بدوي ماني من الموت خايف =لا من بغيت ارحل تجاهلت لدتك
ماني بأسير الرأس من فوق نايف =قلبي قفلته فوق ماضي مودتك
العز خير من الندم والحسايف =أعوام جابتني بعد يوم ودتك
والمعذرة ما بالتعذر كلايف =أغناني الله وأنت الأيام سدتك
بعد الرخاء حلت ليالٍ(ن)عجايف=جابتك قبل سنين واليوم ردتك
بأمان ربي يا قليل الوصايف =كيفت من جودك وجربت مدتك
التميز
الإهداءات
البدو بالترحال ماهم ولايف !!!
رد: البدو بالترحال ماهم ولايف !!!
