كل ما جن ليل الطيف بالعين جن !!!

طابت أوقاتكم بكل خير

ليت ذيك السنين الأوله يرجعن=والمشاعر تعود مثل ذيك السنين
من حلاها بعيني مالها من ثمن=لو تقاس بثمن فاقت لما هو ثمين
يوم كنا بشوق وحلمنا بالزمن=نحضن يدين بعض ونهتني باليدين
مير ربي طوى ذيك السنين ومشن=ما بقي غير ذكرى تحرق المغرمين
كل ما جن ليل الطيف بالعين جن=يشغل البال ويطير لمرقاد عين
بين هنة و ونة متعبة للجفن=كل ما هم بالهجعة جذبت الونين
اتقلب على الجنبين كل حزن=العمر راح حلوة يا غرامٍ(ن)دفين
ما لقيت العلاج اللي يداو الغبن=ولا لقيت الكلام اللي يسل الحزين
ليت حلم الزمان الأولي يندفن=مثل ما تدفن الأموات والراحلين
كان حطيت له قلبي فراش وكفن=واتلقى عزاه من أطرف الطارفين
مير حلمي اظنه صايبه مس جن=كل ليلة يمر يسامر الفرقدين
كل ليلة على قلبي وعقلي يزن=والمشاعر بلتني بالعوى والحنين
ليت ذيك السنين الأوله يرجعن=والمشاعر تعود مثل ذيك السنين

صح لسانك ولا هنت هكذا الزمن

تقبل التحية

صح لسانك ولا هنت احسنت فيما سطرت لله درك

ممتاز صح لسااانك


تقبل اعجابي والاحترام

روعاتك صح بوحك واحساسك ربي ما يحرمنا من ابداعاتك

صح لسانك وسلم بنانك لا هنت يالنشمي

بدعت صح منطوقك



احترامي

صح لسانك ولا هنت


تقبل التحية

صح لسانك للرضا

تقبل التحية

صح لسانك وكل كيانك ابدااااااع


تقبل التحية