يا كبتن الطايرة ياشين يوم الوداع !!!

طابت أوقاتكم بالخير والمسرات

يوم السفر لمصر مارس 2017

يا كبتن الطايرة لويش هالإرتفاع=الأرض يابعدها وصويحبي فوقها
حاولت أكلمه بس الخط فيه إنقاطاع=أشارة البرج ما تنقل لمرفوقها
وأنا شفوقٍ(ن)عليه وبالخفوق إلتياع=يا ويل روحي من الفرقا ويا عقوقها
القلب كنه تناهش في جنوبه سباع=والجمجمة زاد ضغط الدم بعروقها
أحس بالقلب رجف وفي جبيني صداع=مدري من الجو وإلا حافني شوقها
خايف تطول المسافة والبعد فإتساع=والنفس ما تهتني من دون معشوقها
أكبر مصيبة على الإنسان حس الضياع=لا من فقد شف نفسه وإنحرم ذوقها
وأنا عشيري معودني لحسن إستماع=ترتاح روحي ليا سمعت منطوقها
يا كبتن الطايرة ياشين يوم الوداع=حتى بيوت القصائد شان طاروقها
اليوم صاير بقلبي والفكاير صراع=مدري متى سالفتنا ينكسر طوقها
طول السفر ما تهنينا بحسن المتاع=الروح ما ترغب إلا عارف احقوقها
الصاحب اللي جبينه كن فيه الشعاع=لا من رمى شيلته ثم ناضت بروقها
هذاك شفي وكيفي والوليف المطاع=الروح من شأنها للموت بنسوقها
يا كبتن الطايرة مهما تزيد إرتفاع=الروح فوق الثرا وصويحبي فوقها

صح لسانك ولا هنت ابدعت

تقبل التحية

صح لسانك استاذ الشعر بدعت

صح لسانك قصيدة معبرة يعطيك العافيه

صح لسانك ولا هان راسك

تقبل اطيب التحاياااا

الله الله

صح لسااااانك ولا هنت ابدعت وامتعت

صح لسانك دائما مميز

تقبل التحية

صح لساااانك ايها المبدع

تقبل التحية

صح لسانك ولا هنت


راقت لابو سعد

صح لسانك واعتلا شانك


تقبل التحية