يا رب ترحم لجدي يا وسيع اللطف !!!

رحم الله جدي نجم بن هليل واسكنه الفردوس برحمته وكرمه

الليلة القلب صفقه بالضلوع اختلف=مدري من القلب وإلا ضايقته الضلوع
أحس جسمي من الدقات حيل ارتجف=ما بين حنة و ونة صاب قلبي فزوع
أسامر لطيف غالي زارني يا شرف=أغلى من الروح وأغلى من حلال وربوع
جدي وجدك لكن الله عليه الخلف=عساه في جنة الفردوس زين الطبوع
والليلة الهاجس المتعوس بالفكر لف=ذكرت فرقاه يا عزاه شينة تروع
على يديًه وفاته من قبيل الصدف=يوم الخميس النهار اللي سبقه الربوع
كني على الموعد المحتوم ياللأسف=بعد الفرح في لقاه العين هلت دموع
من بعد ما هل دمعي لين دمعي نشف=أيقنت من عقب دفنه مستحيل الرجوع
زرته بشوق الحفيد اللي لحقه عرف=وأقفيت من عند قبره مثل كل الجموع
يا رب ترحم لجدي يا وسيع اللطف=إكرمه وإرفع مقامة في ظلال وزروع
يا رب ما شفتك بعيني ولكن تنعرف=إنك مدبر لهذا الخلق من كل نوع
الليلة القلب صفقه بالضلوع اختلف=مدري من القلب وإلا ضايقته الضلوع

الله يرحمه


صح لسااااااانك

صح لسااااانك ولا هنت


احترامي

رحم الله ميتكم وصح لساااااااانك

الله يرحمه

صح لسانك

تقبل التحية

صح لساااااانك


تقبل الاحترام

صح لسااااااانك ولا هنت احسنت

صح لسانك والله يرحم ميتكم واموات المسلمين

صح لسانك لا هنت


تقبل مروري

صح لسااااانك للرضا

تقبل التحية