طابت أوقاتكم أين ما كنتم
الأبيات رثاء في فقيد القبيلة
الشيخ مسحل بن وادع الجازي الثبيتي
رحمه الله
رحمة الله على مسحل كبير الجوازي=شيخ ربعه مميز في شيوخ القبيله
حاز للطيب عن غيره وللعلم حازي=أبيض الوجه وجهه ماكسته الفشيله
فيه كل المزايا الطيبة بإمتيازي=من ثبيت الكرم والطيب نعم الفصيله
مسحل الجازي اللي ما حسب لإهتزازي=فالعلوم الخفيفة والعلوم الثقيله
راح عند الكريم اللي بعفوه يجازي=الجزاء من كريم الجود مدة جزيله
جنة الخلد ماوى عبد بالعفو فازي=يا كريم العطاء رحمتك ماهي قليله
سكن الشيخ مسحل في منازل عزازي=تحت ظل العروش اليانعات الظليله
عوضه خير من داره نعيم وغرازي=والعوض منك في مسحل بمثله دليله
كسر الأنفس تراها مثل كسر القزاز=فقد مسحل كسر لنفوس ماهي ذليله
اجبر لفقد مسحل بالصبر والتعازي=جبر الأنفس تري ماهي بلك مستحيله
بعد فرقا بدنيانا عليك إعتنازي=تجمع بجنة الفردوس خل بخليله
رحلة العمر ما تحتاج ختم وجوازي=كنها رمشة العينين لو هي طويله
راح مسحل وحنا مع طريق الروازي=نركض وتاليتنا تحت ذيك النثيله
درب الأموات واحد ماش درب ٍ(ن)موازي=يالله بخاتمة في خير وأسهل وسيله
يا مجيب الدعاء تعلم بحجم إعتيازي=ياجزيل العطاء طالبك فضل وفضيله
كان ما كنت عوني ما يفيد احترازي=أبعد الحال مني عن دروب الرذيله
قول وإلا عمل يا عالم ٍ(ن)بالمغازي=جمل اللي بقي من عمر بأجمل جميله
ورحمة الله على مسحل كبير الجوازي=شيخ ربعه مميز في شيوخ القبيله
التميز
الإهداءات
رحمة الله على مسحل كبير الجوازي !!!
رد: رحمة الله على مسحل كبير الجوازي !!!
