ست الحسن في كوكب الأرض !!!

صباحكم شعر ومشاعر

أنتِ(ي)ياست الحسن في كوكب الأرض=
دنياي من دونك حياةٍ(ن)بلا روح=
ياما حلا لونك على عودك الغض=
اللي لها جئيتك من أقصاي مشروح=
كلي فدايا للغلا ما اعطي البعض=
عيني بعد شوفتك ما تشوف مملوح=
ملكتي الخفاق بالطول والعرض=
حسن العذارى من صحايفه ممسوح=
ياحلم نوم وصحو بالفتل والنقض=
مافيه غيرك يعرف السر والبوح=
غلاك عندي يعدل بحكمه الفرض=
قلبي من أشواق الهوى دمه ايفوح=
كن السباع الشهب بعروقه تعض=
أحس جوفه نزف من لهف مجروح=
هواك خض النفس يا منيتي خض=
مشاعري جوف الحشا شابها نوح=
ودي بقربك مير يمنعني الحظ=
حظ ٍ(ن)ردي في مسدحه دوم مسدوح=
أنتِ(ي)ياست الحسن في كوكب الأرض=
دنياي من دونك حياةٍ(ن)بلا روح=

صح لسانك واعتلا شانك

تقبل التحية

صح الله لسانك ولا هان راسك

صح منطوفك استاذ الشعر رووووعة

الله الله

صح لسااااااااانك

صح لسانك ابداااااع لا يستغرب

ابدااااع شاعر


صح لسااااانك

روعة صح لسانك وسلم بنانك لا هنت

صح بوحك شاعرنا المبدع تسلم يا ذوق

صح لسانك ولا هنت


تقبل اعجابي