ياسلام الله على دار" نعرف ازحوله = الكرام اللي كرمهم ماتعدّى اللافي
الثبيتي يوم جاب الكلمه المشتوله = ويش قسمه مع رجال العرف والعرّافي

مرحبا ترحيبةٍ عبر الفضاء منقوله=عد من صلى وكبر فالحرم واطافي!!
وش يخصك لنت مندوبه ولا مرسوله=لا تروج عملةٍ ماجالها صرافي!!

البقا في موقع اهل الفكر واهل الصوله = وان وردنا العدّ مانشرب ياكود الصافي
ياعلي من علمهم صامولتك محلوله = ماخبرتك فالمواقف شاعر" خوّافي

حاكماً يخون شعبه ماحكم له دوله= علم اللي في مصر ومعمر القذافي!!
ماعليه من دراويش الزمن وخبوله= دامت اني في زماني طيب ومتعافي!!

السوالف كلها ياصاحبي محلوله = حلّها عندي تروح اتقرّب الاسعافي
انت وش حاديك قلّي ماتزيد ادهوله= لين كل" يعرف النصّاب والبلّافي

يمدحون الحضرمي كلن يبا من فوله=مار وين اللي يعرف الحق والانصافي!!
علم اللي صفقو للخبل وش سووله= من خبالتهم يدفونه على المهيافي!!

والله ان الحضرمي واجد عرب صفّوله = والعرب يقلون فوله زين ماينعافي
قيس عرض العلم يارجال واحسب طوله = علم ظاهر ينقصد به علم" اعظم خافي

ابلشونا في بلدنا العالم المجهوله=وان هرجنا قيل هذا خيرة الاشرافي!!
الكلام اللي تقوله فيه ناس اتقوله=من ورى الحذاف يالصاحب 100 حذافي!!

في بلدكم عالم" متخلّفه مهبوله = والبلا تالي الليالي زايد" ياكافي
كلمتك عند الرجال الفاهمه مقبوله = ياعلي بالذات لو كلّ القلوب انظافي

من تعدا عن حدوده شالها فحثوله= ماتزعزعنا دعات الزور والارجافي!!
خل بيبان الضماير دونها مقفوله= مانقص هداج تيماء رعي المغرافي!!