يابن حميد هات شيكك لاجل تقفيل الحساب=الحق يفلج والنشاما ماتكب ديونها
بكرة ليا من العرب حطوك من تحت التراب=ماتنفعك بنت الشيوخ اللي تكد قرونها

بعد حضرت وجابك الله بين ضرس وبين ناب= ابشر بمن يكحل عيونك لين يعمي نونها
اصبر على طعن الجنابي اوعلى نغز الحراب= يادوب ركبنا لك الجمرة على غليونها

بعض العرب للمعرفةمفتوحله عشرين باب=والبعض مقفولة دروب المعرفة من دونها
حنا على على بعض الوجيه اللي تقلب مانهاب=ننتف لحاها قبل نظهر باليدين عيونها

وين المعارف عنك يوم ان التوى بالحلق داب= وام الكباير مانفعها يوم جاها شونها
ترى السحابه عاليه ماهمها نبح الكلاب= يااهل ضرمه تقلون هرجه مير ماتحمونها

المعرفة من ساس ماهي بالتعلم من كتاب=والناس تدري بالبيوت اللي عزاز ركونها
اعز نفسي عن دروب الجهل وبيوت الخراب=لو ان ذبحة صاحبي فالمنتدى ياهونها

كل(ن) على قده يفصل من جديدات الثياب= مير البلا فاللي ورثها و القمل بردونها
خابرك شيال الرماح وحامي اعقاب الركاب= وليا طربت تحط جبنتها عل زيتونها[/poem

انا ليا غنيت قالوا ذيب من صلب الذياب=وانته ليا غنيت قالوا كيف جر لحونها
خلك موذن فالمساجد واطلب الله فالثواب=قبل الجماعة في صلاتك ماتخيب ظنونها

نار البدو ماعقبت غير الرماده فالجناب = والشجره اللي مثمره يبس الثمر بغصونها
انا مطوع وانت يافواز جنبت الصواب= افطن لعمرك قبل حسرتها وقبل غبونها