مرحبا بالشاعر الي له شان كبير= شانهم مــرفـوع والنار من شبابها
أزهمولي راع الصدق والساير يسير=الــعباد ركـــوع والنار من شبابها

يا رفيقي إنتحا الليل ما جانا بشير=الرجا مقطوع والنار من شبابها
ظني بالي راعي الصدق غاطس بالنخير=الولد ممنوع والنار من شبابها

نحمد الله كلبونا ترانا بالف خير = الاسامي فروع والنار من شبابها
لو تمشي من حقل لين تلفي في عسير = الوفاءمسموع والنار من شبابها

من عقب وقع السحابة يبا يلقى غدير=لو ورد مفجوع والنار من شبابها
مدري أنته مرعبه بحركم فوقه غزير=يافتى مقروع والنار من شبابها

الحمل مشدودياصاحبي ظهر البعير = حامله زعزوع والنار من شبابها
المعاني ياعميلي مثل سلك الحيرير= فالبلد هنوع والنار من شبابها

يا جملنا قام حظك بعد هذا الهدير=خلكم بطلوع والنار من شبابها
محتزينك للمجنب ليا جانا مغير=سم يا منقوع والنار من شبابها

كل مادرت رحاناتباء تطحن شعير = حبها منقوع والنار من شبابها
انت راعي الوله فا المواقف والمصير = فتح المسموع والنار من شبابها

أنت تدري راعي الصدق بالماقف خشير=في لغم مزروع والنار من شبابها
ويش رايك ودنا بكره نحطه سفير=يعرف المطبوع والنار من شبابها

تو شفت الصاحب الي معه سيف شطير = مهلته اسبوع والنار من شبابها
انت ودك تزقله صاحبك في وسط بير = لاتجي فضلوع والنار من شبابها

ملعبتنا يا فتى جوفها واحد أمير=بين(ن)شعشوع والنار من شبابها
ودي أحطه على الصف للعالم شوير=للصفوف يزوع والنار من شبابها