سلام من هاجسن ناويك بالخير=يابن هليل ترى النيه مطيه
ثّبيتْ والنعم 00وانتم والمناصير=من السريه ومن برى السريه

يامرحبا يا هلا وأنتم مناعير=البيت مبنى وخلك جوف فيه
الراس ثابت ليا دقيت للزير=والسامريه تغنى سامريه

ابك البقا والسعد طير السعد طير=يابوهلا ماتمشيها عليّه
يامولع النار سواق المظاهير=يابن هليل ترانا اهل القريّه

قود السوالف نبا للعرف تقرير=على الهدى ما نباها جاهليه
وإحذر تقرب على بعض المحاذير=مرضى خلافه علاكم من يديه

العلم يبغا مقاييس ومعايير= وانته تعديت حد الجاذبيه
لوالحذر فك فك من المقادير=يهب يالسمسمي والسمسميه

قريت عم وتبارك والتفاسير=وأنته غشيم بهاذيكي وذيه
لكن خلك فطين وجود السير=لازم تحقق لنا ميه بميه

مانته باأمام الحرم شاعر ولا 00غير=والله قويه ليا قالوا قويه
وراك حزمتْ راسك للبواكير=اللي تجي من هناك ومن هنيه

ماني إمام الحرم مارد وتصدير=قاضي عتيبة وفارض للدعيه
والراس حازمه من دون المسافير=وقت الحمية ليا قالوا حميه

ياجوخرخير ياجو المعاصير=إعرف سهيل اليمن وأعرف سميه
اسمك يكفيك كب اسم المشاهير=لاتسرق اسم القضاه الصيرميه

ليا عمست أريا العرب جتني على ظير=وإن زان وقت العرب راحت هميه
ليا كان هذا جوابك عنك توخير=هذا جواب(ن)على العاقل بليه

يامعطي الدرب ابوجمر ومسامير=اكلتها يالثبيتي في شويه
هامورلكن متشوف الهوامير=راعيك يالغطرسه دايم اضحيه

أنا على مركزي حولي طوابير=من لابة مابها جاهل وعيه
وليا حداك الزمان تجي لنا مغير=تمد حسنه وتكسب الف سيه

ياشين الاخطا ويازين المعاذير=لاكن الانكار نكبه عالميه
ماهمنا اللي يقول صوير وعوير=اهم شي ان وقفتنا جريه