سلامي عليكم ياعتيبه هل الوديان= هل الوادي اللي جدهم كان محتله
بااسمي عليكم بعد عوذه من الشيطان= ومن هو بغى له قصر يرتاح في ظله

هلا مرحبا ترحيبة قبلها الرحمن= وترحيبة(ن) باسم الولي مابها خله
عسى الله يحييكم وانا مكرم الضيفان= وقبل الذبيحه عندي الهيل والدله

الا يالعتيبي جود لورثة الجدان= ترى مذخر الجدان كنز(ن) من الغله
طروقك تغنيها وكنك من الهذلان= وانا ابغاك فارس لاعسر ضلع تحتله

انا حافظ الورثه وبيتي على السيسان= توقع توقع زين ياحادر الجله
طروقي مغنيها ولاباس بالظفران= وانا ديرتي عن ديرة سليم منتله

انا اوحيت لي علم(ن) يروج مع العربان= يقولون شفنا سبحة القوم منهله
ليا راغت الحبه وهست عن النيشان= لقينا فواريس(ن) تجيب السلب كله

ليا اوحيت علم احذر تجيبه من الغلطان= ومن يصغي لغلطان ياعلة العله
ليا ذابت الحبه تبا تعرف الخسران= وحنا نعقد الحبل ياهيه ونحله

ليا صار وضعك زين وضعي فانا كسبان= اغني على الطاروق يالذيب وادله
ترى علمكم مثبوت في داخل الديوان= وكيف العتيبي يبدل البيت بالفله

انا اقول مازينك غير الحدب شامان= من كفوف قوم(ن) تلتهب كنها المله
علوم(ن) نظيفه ترفع الراس ياخبلان= وعتيبه تغامر مادخل قلبها ذله

ليا طاحت سنون الجمل وش يفيد لسان= مايقد ر لشوك الطلح لابده يخله
الا ياعميل الخير كل(ن) معه دكان= وانا رجل فاهم ما اقبل الميل والزله

علامك تشب النار وتعجعج الدخان= مغير اعمستك ودمعة العين منهله
شمنصير غاطيه الوبل من سنا الربان= ولا اقول غير الله ياساتر الخله