سلام ياربعي عتيبه درع جنبـي والحـزام=اهل السيوف المرهفات اللي وساع طعونها
الطارف يجينا على قدر ومعـزه واحتـرام=مال الحمل غير الجمل والحشو تبرك دونها

يامرحبا وانا من الهـذلان عاليـن المقـام=خوالك اللي ياسعد مالك سعد من دونها !!
انا سمعت انك ..مطوع ليش عينك ماتنـام=ترى السهر يعمي الرجال الطيبه فعيونها

دام البقا وانا من العتبان مافيها كـلام=عمانك اللي يوم زرق الشلف ماتنسونها
انا تهجد واطلب المعبود في حسن الختام= فالديره اللي كل خلق الله يبون يجونهـا

الشاعر اللي مايغط البيت جعلـه للعـدام=وانت انتبه للسالفه لايختلف قانونهـا !!
نبغاك تسكن في بريده ثم تـذّن فالانـام=ونقلك (مطوع بريده) .. ميزةٍ ياهونها

الليله الليله مابين ثبيت وهذيل الخصام=هوشه بلا فراع وعتيبه تحد سنونهـا
انته قريب والقريب اولى بتقديمه شمام=لكن اظنك ماتجيد البسمله وركونهـا

حنا نحد سيوفنا لاجات حـزّات الزعـام=واللي تحد سنونها ترقل بروس متونها !!
انا معي عقلي وامّيز فالحـلال وفالحـرام=وانته صلاتك مدمجه بالملعبه ولحونها

تاريخنا يشهد لنا وقـت المعـارك والزحـام=والا انت عينك داخن القرشه مغطـي نونهـا
انا احمد الله ماشي(ن) حسب الشريعه والنظام=وانتـه تقـدس جدتـك فالاوديـه وبطونهـا