السلام عليكم ورحمة الله وبركاته
طولنا عليكم ....أدري بتقولون ماهي عادة
لكن للظروف أحكام واليكم هذه الأبيات الكيبوردية
علها وعساها تلقى صدى عندكم
على صوت الغرام اللي عزف في داخلي موال=تراقص له ضميري والفؤاد وفكري وذاتي
وغنيته قصائد والقصائد عارفه بالحال=تعرف بما يكن القلب من فرحة ولوعاتي
تذكرت الزمان اللي مضى مع ريمي الجفال=ذكرت أيام هباتي مع الغالي وسجاتي
عسى الله يذكره بالخير في حله مع الترحال=وأنا باقي على عهده ولو زادن آهاتي
حشا لله ما بدل غلا الغالي بأية حال=ولا يسكن بقلبي غيرها في بوح وسكاتي
يقولون الهوى مرة بهذي تصدق الأمثال=بعد جربت وده للمثل بحط بصماتي
صحيح إن الفراق يكيد لكن للأسى حمال=على شأن الغلا والعهد ماني ناسي مناتي
ياكيف أنسى شقيق الروح هذا شيء ما ينقال=أنا منساه لحظة من زمن في كل أوقاتي
ولو هذا حصل والله محسب بالعرب رجال=أخير تعدني لو خنتها من ضمن الأمواتي
ياكيف أنسى وصايتها وهيه دمعها همال=دخيلك يا حبيب الروح حبي عندك وصاتي