هيه ياشعار يااللي تبحثون عن الجزاله= الكلام ليا ارتخى ماني وانا مخلف زبونه
شاعر السلمان وامثل رجال بكل حاله= والروى عده تباه الورد وان ضميو يجونه

شاعر السلمان ما رد السلام من الهباله=التحية من قصرها ياعرب لا تامنونه
البعير اللي نصانا ليش يعتب في عقاله=نوخوه ونادوا الجزار ياللي تنحرونه

ماكفاكم يوم ارده فوقكم في كل لاله= ردو المجنون لابعدين مخلف تنقدونه
مايفك عقاله الا من تسمت بالكحاله= مار بارك ياعميلي فوق هذيك الحنونه

ليا برك ثلب البقيلي لعنبو منهو حلاله=أدري إن البدو لا بغوا رحيل بيرحلونه
مار يامخلف دخيلك حط للأقشر رحاله=وإن تركته يا عميلي فالبدو ما يافرونه

من مبارك ثلبنا فزعتك ياالطيب عياله= الله يبارك لكم فالذر يااللي تقتنونه
البقيلي صامل الزندين كيفه من دلاله= مااستعار العرف مار الراس عزه من متونه

السليمي يحسبن المعرفة ببسي بقاله=كل ما مره عتيبي قام ترمش له عيونه
واجبي أنصحك قلط بالصحن بكره بداله=واحفظ المجنون بالشطيان لين تبرهنونه

السليمي تعرفونه من رياجيل الشكاله= من يمر بدون داعي حالفن لااكسر سنونه
ماش غار الثلب في نسله وتحسين السلاله= واعرف ان الدار من دونه رياجيل يحمونه

البقيلي من عماه يشيل سمه في شواله=يحسبن الملح سكر من هجفهم يقضمونه
مير أنا نويت بطحن حبته داخل ثفاله=إن بغاها بالرضا والا عتيبة يكتفونه