بسم الله الرحمن الرحيم
الأبيات بدون مقدمات
مستحيل أنساك ياعذب اللما=مثلكِ(ي)والله صعبٍ(ن)ينسا
أنتي لقلبي أهمٍ(ن)من دما=يحتضنها القلب في صبح ومسا
ماش مخلوق يعيش بغير ما=أنتي نبع الروح في لين وقسا
من سكنتي بالحنايا في حما=قلبي اللي في بحركِ(ي)مارسا
عاتي الأمواج ترفعه لسما=ياعسى الأمواج تهدأ يا عسا
وين بلقا مثلكِ(ي)والا كما=فاتنة قلبي وكايدت النسا
سهم حبك في خفوقي إنرما=ما شعر به غير قلب(ن)أونسا
الفؤاد اليوم جاك مسلما=مستحيل السير معكِ(ي)يعكسا
طائعك يافاتنة طاعة عما=ما بشوف بلا كلام(ن)أخرسا
لو أموت من الحروة والظما=ما نسيت عيونك اللي نعسا
كيف بنسى طرف عينٍ(ن)سلهما=وإنطلق سهمه وبالقلب غرسا
مستحيل أنساك ياعذب اللما=مثلكِ(ي)والله صعبٍ(ن)ينسا