تعداني على مهلك وتبدي نظرة استشعار=وفجأة واجهت عينك عيون(ن)كنت ترقبها
ترى مافيه داعي للتلفت واكمل المشوار=ونظراتي بدون تلد باحساسك تحس ابها
عطاك الله جمال وفيك رزة تلفت الانظار=ولا الوم العقول اللي برمشة عين تسلبها
سواد الليل فعيونك قصيدة تعجز الشعار=ويعجز صادق الاحساس بالاقلام يكتبها
وليل(ن)مكتسي ردفك يناجي خلوة السمار=تحدر به خيوطه فوق شمسك لين يحجبها
ونطق الحرف بشفاهك يداعب مرهف الاوتار=ولو ان القلوب حجار بألحانك تذوبها
ثمار الخوخ ترويها عروق(ن)بأعذب الانهار=وفصل النضج يدفعها وغصن الخوخ يجذبها
وخصر(ن)يحتويه الطفل ويدين الرضيع قصار=كما تحوي يدينه لعبته لاقام يلعبها
يضيع الوصف في وصف الجمال وتتعب الافكار=بيوت الشعر ماتوصف جمالك لو نرتبها
طعنت القلب من نظرة وخليت الجروح احرار=تبا تنزف جروحه لين في لحظة يموت ابها