السلام عليكم ورحمة الله وبركاته
صبحكم الله بالخير والسرور
اطرح بين ايديكم هذه القصيده وآمل بأن تنال إستحسانكم
ابـعـدت عـن عـيـونـي والـسـبـب مـجـهـول = لــكــن الــظــاهـر الــعــذال غــروهـــا
حـسـبـي الله عـلـيـهـم يــوم قــالــوا قــول = صـدقــتــهــم حــيــاتــي ثــم جـروهــا
اسـحـبـوهـا بـلـطـف وهـرجــهـم مــعــســول = يــوم دنـت رعـود الـقـلـب دفــوهــا
الـحـواســد تـرى تـمـشـي بــدون عـــقــول = مـن حـسـدهـم بـروج الحب هـدوهـا
كـم فواد(ن) مـن مـزون الحسد مشلول = كـم عيون(ن) ذياب الضيم عنوها
كــم تـراكـم ســحــاب وفــرقــتــه طــبــول = كـم قـلـوب الـغـلا بـالـشـر سـمـوهـا
خـافـقـي مـن عـواصـف بــعـدهـا مــذبــول = حـلـيـة(ن) فــرقـتـنـا يـــوم سـووهـا
الــمــدامــع مــن فــراقــه تــقــول ســيــول = عـذب الالـحـان مـن فـرقـاه غـنـوهـا
يــاســنــا الـبـدر عـــود عـذركـم مـقــبـول = نـــوِر بــطــلــتــك دروب ســدوهــــا
دام روحـي وروحـك حـبـلــهــا مـوصــول = لا يــهــمــك لــو الارواح ذمـــوهــا
ابـعـدت عـن عـيـونـي والـسـبـب مـجـهـول = لــكــن الــظــاهـر الــعــذال غــروهـــا