للتواصل وبدون فاصل
أبيات كيبورية من لوحة المفاتح للمنتدى مباشرة
علها تروق لكم
وينك حبيبي ليش قل اتصالك=يومين مرت ما سمعتك ولا جيت
عسى الموانع خير وشلون حالك=طمني بكلمة تراني تعنيت
أرقب مجيك وأترجى وصالك=ما حيلتي غير التمني ويا ليت
ياليت عيني تهتني في جمالك=يامن على كل المشاعر توليت
ياليت مافيني طرا لك ببالك=شوقٍ(ن)سكني ليتك بيوم حسيت
الوجد لو هزك وخالج خيالك=قسم برب البيت ما كان صديت
عن وصل عاشق بالمودة صفا لك=قلبه وفكره كل مقبلت وأقفيت
أشعلت فيه الحب وأقفت رحالك=حتى غدا ماهو بحيٍ(ن)ولا ميت
وإن كان طال الهجر لا شك هالك=الشوق ناره فتت القلب تفتيت
حتى لو إنه بعض وقتٍ(ن)تمالك=طول الجفا بيشتت العمر تشتيت
يا فاتني رد الخبر طاب فالك=حقق لروحي لو بعض ما تمنيت
والا أنا كوكب وأدور بمجالك=مالي غناةٍ(ن)عنك مهما تغليت
وشلون ببعد وأنت للروح مالك=سيطرت فوق القلب والفكر وأرسيت
مراكبك في بحر مغرم غدا لك=مطواع مهما فيه من جور سويت
هذا حلالك سو ماهو بدا لك=في قلبي اللي مع مناداه ناديت
وينك حبيبي ليش قل اتصالك=يومين مرت لا سمعتك ولا جيت