للتواصل أبيات خياله
أمل تنال اعجابكم
حاولت أقرب وأشعل الشوق بالشوق=لقيتك أبعد ما تكونين عني
أنا مثل بركان حارق ومحروق=وأنتي مثل ثلج القطب لا تعني
وأنا مثل نجمٍ(ن)لمع بالسما فوق=وأنتي مثل صخرة محيط تدني
ذبحتني بالهجر والصد والعوق=سديت بيبان الفرج بالتجني
من بكره لبكره مواعيد وزهوق=ما كنك الا تنزع الروح مني
عرفت مقداري طلع بيننا فروق=هواك ما وافق هوانا وظني
مديت لك حبل الوصل قلت:ملحوق=بادت حبال الوصل والبعد يفني
لو كان في جسمك شرايين وعروق=دمك بلا إحساس بارد قتلني
شفك أغني لك مجارير وطروق=وأنظم قصيدي فيك وأشكي وأغني
هذا هدفك وغايتك تأخذ حقوق=لكن ما تعطي ولا قدر بني
يا كامل الأوصاف لا تفقد الذوق=خلك صريح وزود الفن فني
ترى الصراحة كنز والبوق بالبوق=والصدق يزرع بالقلوب التهني
قرًب بكون الرمش للنون والموق=تعال عطر وزهر ريحه يبني
تعال غيث وعصف ورعود وبروق =يمكن نحقق للمنى والتمني
تنبت صحارينا بعد كانت شقوق=وإن رحت تغدي يابسة مثل شني
حاولت أقرب وأشعل الشوق بالشوق=لقيتك أبعد ما تكونين عني