السلام عليكم ورحمة الله وبركاته
مساكم الله بالخير والنور والسرور
اطرح بين ايدكم هذه القصيدة والتي أتمنى بأن تنآل استحسانكم
هبت رياح
يا صاح قلبي منسبب بعدكم صاح = صيحت رضيع ايتيم عطشان جيعان
صدى صياحه طيَح أزهار الأفراح = حتت من الوجدان زهرات الاغصان
مالت بروج القلب من هبت رياح = هبت هبوب البعد جلاَب الاحزان
نامت عيون الناس والقلب مارتاح = مانام ليله داخله نار بركان
ياصاح أفز لطيفكم كل ما لاح = برقه يرد الروح يا نور الاعيان
لا شافك الخفاق من فرحته ساح = دام الغلا موجود والشوق نيران
لا طل نور الجفن ياصاح يرتاح = يرتاح قلب اللي من الحزن سهران
عطرك ياروحي يثلج الصدر إذا فاح = لا فاح عطرك ينتعش كل شريان
يضيق صدري كل ما ناظرك راح = تذبل ورود الفل من غصن ريان
ياصاح أنا من عقبكم كلي جراح = مجروح ودوايه إذا بدركم بان
يا صاح قلبي منسبب بعدكم صاح = صيحت رضيع ايتيم عطشان جيعان