السلام عليكم ورحمة الله وبركاته
يسعد جميع آوقاتكم بكل خير وحب .. يسعدني ويشرفني .. بأن اقدم أول قصيده لي في هاذا الصرح الشامخ والله يجملنا معكم ..
(حكم المقادير)
مل أنتظاري مل طول الوقوفي
ولا لقيت الـ غيبتك أي تفسير
صنتك وأنا والله بقـمـة ظـروفـي
ويالــلاسف مالي محبه وتقدير
عانيـت مـنـك ثـم مـلت كتوفي
ولشوفتك قاسيت برد ومعاصير
وكل القصايد فيك تملى رفوفي
وحققت لك حلمك وخليته يصير
كم قلت لك يابنت تكفين روفي
وأحذرك في اليوم مليون تحذير
بتـرك أنا حـبك وأباعـلن عــزوفي
وغصبن علي أني اخليك وأسير
وأحلف لك بربي بصدق الحلوفي
مثلـي تـرى نـادر ومـثلـك طـوابير
هملتني وتـركـت رعشة كفوفي
وانـا بـعـد بـهمـلك وبـدون تـفـكير
مـاعـاد قـلبي للمواصل شغوفي
ماعـدت أبــي أسمع لعذر وتبارير
ماعدت أبـي حـبـك ولابيـك توفي
بطلق سراحك بالهوى أبعد وطير
بلملم شـتـاتـي وبـاقـي حـروفـي
واللــي مـضـى يازيـن يـتبـدل بغير
يالله عـسى غيـر الفرح ماتشوفي
وأمحـي بــوجهي كــل زله وتقصير
قولي لهم سلت سيوفك سيوفي
ولحدن سالني قلت (حكم المقادير)..
وسلامتكم..
بقلمي.فارس بن سعيد الغامدي