السلام عليكم ورحمة الله وبركاته
أحبتي أعضاء القوافل يسعدني أن اطرح بين ايديكم هذه القصيدة
أتمنى تحظى باستحسانكم وترقى الى ذائقتكم
لا تسلني عن مواجيعٍ(ن)عن عيونك خوافي=ما تحس بها مثل حسي ولا تعرف وجعها
ما يشخصها طبيب ولا تعالجها مشافي=والسبايب حبك اللي في معاليقي زرعها
جرحها ينزف بقلبي بالنواظر ما يشافي=وإن شكيته للبشر قالوا جنونك مصطنعها
مادروا ناسي بنارٍ(ن)داخل العوج النحافي=أحرقتني والصبر عجزان مني يقتلعها
وأنت لاهي في حياتك ما تفكر برتجافي=كل يوم تزيدني طعنات روحي تشتلعها
أتوسد حلمي المكلوم والحيرة لحافي=وأتنهد زفرة الموجوع غصبا وأرتجعها
كل ما يخطر ببالي حالنا لو كنت غافي=كيف كنا كيف صرنا المواجع نفتزعها
كل نظرة من عيونك كنها طعن الرهافي=وكل نظرة من عيوني مأنت عارف ماسنعها
لا تقل لي بعد هذا تمشي الدنيا عوافي=آه من روحٍ(ن)تقلب في غرامك ما نفعها
ترمي أشواك بدروبي ما تهاب ولا تخافي=والمشاعر من فعولك نار غدرك تبتلعها
ليه تجزاني لحبي بالتجافي يالسنافي=أخر المشوار كبدي كن شكي يقتطعها
بالنهاية ياحبيبي كل ما سويت كافي=ما أتحمل زود روحي كن موتك ينتزعها
صارت همومي أمامي والهنا عود خلافي=ضاق صدري بالمواجع ما وسعها ماوسعها
لا تسلني بعد هذا عن مواجيعٍ(ن) خوافي=ما تحس بها مثل حسي ولا تعرف وجعها