سلام ياصقر الكرم والطيب والطاعه شـعـار = طاعة عظيم الشأن رب الكون علام الـغـيـاب
اللي مسخر الليالي لبس والمرزق نـهـار = لما تجلى للجبل من خشيته الضلع ذاب
الثانيه يرتاح من خاوى الصقر أبـو مـنـار = صقر المروه والشجاعه ماغرقه وبـل الـسـحـاب
راع الوقار اللي سما يأخذ من وقاره وقـار = عزيز جنب وصحبته تطفي لواهيب الـعـذاب
العفو عند المقدره تقييمها سوبرستار = العفو شيمه لصقر للموت طبعاً(ن) مـايـهـاب
كل(ن) يـبـا الاصـلاح والاصلاح ساجنه الـقـرار = مفتاح بابه في يدك ياذيب يانسل الـذيـاب
مانامت الاعيان والارواح صايبها إنـكـسـار = تكسرت أغصانها والـجـذع ماجاه الـشـراب
النار تحرق من وطاها والبدايه من شـرار = من ذاق نار الوقت ميز الخطأ من الصواب
الله يسامح راعي الزله ويكفيه الـدمـار = من تاب واستغفر رب العرش يغفر دام تــاب
يالله رحمه عامره تجيرنا من كل نـار = رحماك يارب الملا رحماك في يوم الـحـسـاب