همس الهوى لافيه شمسن ولااظلال
اثـيــرمـنـشــرلـلـخـفـــاء والـبــيـــاني
نـقـراه شـعــر وقـال من قيل و اقـوال
مـاكــنًــه الًالـعـــيــد بـعــد ارمـضـاني
والًا مـلـبـي حــج و الـوعــد فـالــبـال
يـمـزج فـريـضـه بـالـهـوى والأمـاني
والوقت سلم انفوس في بنك الاعمال
ومن لاشـرى ليش الاسف والهـواني
روض الحـياه ايجـود بانواع واشكال
مـافــيــه تـبــريــرن لـمــن هـو اناني
اما تـواصـل صـح من غــيـرجـنـجـال
الــود مـاهــو فـلـسـفــه و امـتــنــاني
واللا اقـهـوه مـنهـا يـنشًطـك فـنـجـال
والـيا قـضـى فــنـجـال فــنـجــال ثـاني
انـجــب تـواصـل بـيـن الازواج فـعًـال
واللا هـوى الـدشره سـراب وجـنـاني
مـاكـل من شــوشـر نـسـمـيـه رجًــال
ولاكـل مـخـفــوفــه فــتـــاة الــزمـاني
هـذاك جـربـوع ن على الحـزم رمًـال
شـربـك جـــراده والـجـــراده تــعــاني
خبلن على جـال حـفـره يرمي احـبـال
مـافـيـه مـاء ويـجــر حـبـل السـواني
والـعــاشـقـه تـنـطــرلـكـذاب مـحـتـال
ولابــه سـراب ايـبـل ريـق الـغــواني
وآخــرمـطـاف ايـصـيــر للأمـرمـوًال
وتـشـلـل الـعـيـنـيــن دمـع اشهـواني
هــذا يــمـــوًل لــيــل يـالــيـــل يــالال
ويـجـسًـد الـحـسره بـجـــر الأغـــاني
وان كان صار الرجـل للـحــب طـبًال
غـنـًوا مـجــانـيـنـه عـلى لـيــلا داني