بدون مقدمات اليكم الأبيات
بأمان الله وحفظه وين ما كنتي ياكل الذوق=على متن الثرا والا على جنحان طير الجو
ترافقك السلامة ياغرامي عذبة المنطوق=ياحظ الطائر الميمون الا ياليت وإلا لو
الا ياليتني كبتنه وأسعد في وجودك فوق=على متن السحاب يروق جوي والسفر يحلو
ليا كنا سوا كل الأماكن والهجوس تروق=تجمعنا ولو فوق السحائب للجروح برو
لكن الله كتب مانكون بالرحلة سوا ياشوق=معك قلبي وفكري والمشاعر بالدعاء تتلو
من الإقلاع لا وقت الهبوط الضغط فيه فروق=ولا يرتاح بالي لين يعلن بالسلامة جو
تجيني بالسلامة والأماني تسبق الطاروق=على باب الوصل القاك توك ياحياتي تو