أسعد الله أوقاتكم بكل خير
الأبيات بدون مقدمات
راحت ورحت ورافقتنا المواجع..!!!=والشوق باقي بالمشاعر ولا راح..!!!
مايتفق وصل وجفا فرق شاسع..!!!=هذا محال يعيش في جوه أفراح..!!!
لكن قرارٍ(ن)عنه صعب التراجع..!!!=اختارته ما قدرت دمع ونواح..!!!
ماتدري إنه لو يطول المقاطع..!!!=ماتنمسح ذكرى لها خافقي طاح..!!!
ما والله أنسى صوتها بالمسامع..!!!=ونظرات طرفٍ(ن)للمهاوين ذباح..!!!
مهما يكون الكون للعين واسع..!!!=ضاقت بي الدنيا وزادن الأجراح..!!!
ماعاد لي عند الغلا حب شافع..!!!=ولا عاد لي من عقبها أي مرباح..!!!
أنا وهمي والجروح نتصارع..!!!=أشقيت للزفرات وأتعبت مسباح..!!!
منها ضلوعي والدواخل تقارع..!!!=والدم بعروق الجسد داخلي فاح..!!!
تعب الطبيب ولا لقي بالمراجع..!!!=تشخيص للحالة ولا فاد جراح..!!!
بعد الفراق الطب ماعاد نافع..!!!=الهم راسخ بالحشا كيف ينزاح..!!!
ليت الليالي بالمنايا تسارع..!!!=لعلني لا مت من حبه أرتاح..!!!
أهون عليه من كلام الموادع..!!!=ودموع عيني كنها وبل سفاح..!!!
يحفظك ربي ياغرامٍ(ن)تدافع..!!!=يمك حلومي كل ممسى ومصباح..!!!
كل ماذكرتك في جميع المواقع..!!!=في داخلي الشوق من حرقته صاح..!!!
راحت ورحت ورافقتنا المواجع..!!!=والشوق باقي بالمشاعر ولا راح..!!!