أسعدكم الله بكل وقت ومكان
اليكم الأبيات علها تروق لكم
السنين الأوله غير السنين الحاضراتي=حسب ظن الناس وإلا الوقت ماغير نظامه
والسنين الحاضرة غير السنين المقبلاتي=ما تفرق بين شيخ وبين من عيبه رخامه
نشتكي من وقتنا الحاضر ونبكي يوم فاتي=وأمس نفس الوضع والمقبل وكاد إنا نلامه
عيبنا في ذاتنا ماهو بصبح ولا مباتي=مشتقين بوقنا الحاضر وناسين القيامه
الحياة اللي نهايتها ولو طالت مماتي=يشهد الله ما تساوي لو تورينا زعامه
قالها خير البشر عليه من ربي صلاتي=مثل منهو يستظل بشجرةٍ فوق الرغامه
ساعةٍ(ن)من يوم هذي ما تسمى بالحياتي=الحياة الدائمة بعد البعث يالله سلامه
يوم نلقا ما جنينا من شرورٍ(ن)وحسناتي=بالخلود مخلدين ويا مهانة يا كرامه
مير منهو يعتبر قدام لا يفوت الفواتي=يرجع لربه ويكثر من صلاته مع صيامه
يذكره ويسبحه في جهر وإلا في سكاتي=ويتهجد حين غيره رايح بحالي منامه
يجتهد قدام لا يغدي بعد قوة رفاتي=قبل دود الأرض ياكل لحمه وينخر عظامه