أسعدكم الله
الليلة مغير الموجه الوجهة شامية
ياريم ياللي هز قلبي كلامه=وشلون لو شافت عيوني وسامته
من شامنا والقلب والروح شامه=واكبر هموم القلب والله سلامته
يا حلو منطوقه ونبرة سلامه=ويازين عوده لن تمايل وقامته
ما لافته سموم ساحل تهامه=ولا ضايقت لأنفاس صدره لثامته
من رقته يشبه لطير الحمامه=ومن طيبته تغلب لطيبي كرامته
فيها من الحسن الإلهي علامه=من مدعس الأقدام لا حد هامته
شاميةٍ(ن)حوت فنون الوسامه=منطق وذوق وشكل كمل فخامته
لو شافها مطوع يحسب القيامه=قامت وهي حوريةٍ(ن)من قيامته
ولو شافها شيخٍ(ن)رمى بالعمامه=ورمى ببشته في سوايق عمامته
ما عاد يحسب لايمٍ(ن)كان لامه=ولا عاد يحسب بالزمان لملامته
ولو شافمها خبلٍ(ن)ربى في رخامة=يصير فارس ويتناسى رخامته