زاد التعب وارهق ظهورالمطايا=اتعبتها لجلك مطيه مــــــــــطيـه
يومي على شانك تسابق خطايا=واليوم خطواتي تجاهك بــــــطيـه
ماعاد تفرق سرعتي عن بطايا =وحبل الامل مطوي ثمانين طيــه
فشلة مساعيه وضغط وسطايا =بيني وبينك ماتبقا اوســــــــطيــه
ياما وهبتك من جزيل العطايا =قلبي وهو قلبي خذيته عــــــطيـــه
كثر التمادي باقتراف الخطايا =يومياً اتضيف بسجللك خــــــــطيه
ماتستر اغلاطك كبار الغطايا =ياللي على هجري وجرحي سطيه